डेहराडून (उत्तराखंड): उत्तराखंडातील महिला आणि बाल कल्याण मंत्री रेखा आर्या यांनी गुरुवारी संध्याकाळी देहरादूनच्या कँट कोतवालीमध्ये नवरा गिरधारी लाल साहू उर्फ पप्पू गिरधारी यांच्याविरुद्ध गंभीर कलमांअंतर्गत गुन्हा दाखल केला आहे. रेखा यांनी आरोप केला की त्यांच्या नवऱ्याने विवाहित असूनही फसवून दुसरे लग्न केले आणि त्यांना जिवे मारण्याचा कटही रचला होता. तसेच गिरधारी लाल साहू यांचे इतर अनेक महिलांशीही संबंध आहेत. नवऱ्याने मैत्रिणीसोबत मिळून मारण्याचा डाव आखल्याचा देखील आरोप त्यांनी तक्रारीमध्ये केले आहे.
यमुना कॉलनीस्थित मंत्री निवासस्थानी राहणाऱ्या रेखा आर्या यांनी तक्रारीत सांगितले की, ६ जुलै २००४ रोजी त्यांचे लग्न गिरधारी लाल साहू (रा. बदायूं बरेली रोड, जोगी नवादा, बरेली, उत्तर प्रदेश) यांच्याशी झाले होते. साहू यांनी स्वतःला अविवाहित सांगून आणि त्यांना फसवून लग्न केले. काही वर्षांनंतर गिरधारी आधीच विवाहित असल्याचे आणि पहिल्या लग्नातून मुले असल्याचे सत्य समोर आले. आतापर्यंत त्यांनी मुलांच्या भवितव्याच्या दृष्टीने नातेवाईकांच्या समजूतदारपणामुळे गप्प राहण्याचा निर्णय घेतला होता.
View this post on Instagram
आर्या यांचा आरोप आहे की गिरधारी यांचे अनेक महिलांशी अवैध संबंध आहेत. याबाबत आक्षेप घेतल्यावर आरोपीने लेखी आणि तोंडी माफी मागितली, पण त्याच्या वर्तनात बदल झाला नाही. विरोध केल्यावर त्याने मारहाण आणि शिवीगाळ केली. सरकारी निवासस्थानी कर्मचारीवर्गाच्या समोर अपमानजनक जातसूचक शब्दांचा वापर केला. बनावट सही आणि खोटे कागदपत्रे वापरून त्यांना कोणत्याही राजीनाम्याशिवाय संबंधित कंपन्यांच्या संचालकपदावरून सेवानिवृत्त झाल्याचे दर्शवले.
मंत्री रेखा यांना एक ऑडिओ मिळाला. त्यात गिरधारी एका महिलेशी बोलताना त्यांना जिवे मारण्याचा कट रचत असल्याचे स्पष्ट होते. आर्या यांनी स्वतःची आणि आपल्या अल्पवयीन मुलांचा जीव धोक्यात असल्याचे सांगत कठोर कायदेशीर कारवाईची मागणी केली आहे. एसपी सिटी शेखर सुयाल यांनी सांगितले की मंत्र्यांच्या तक्रारीवर त्यांच्या पतीविरुद्ध खटला दाखल करून चौकशी सुरू करण्यात आली आहे.
उत्तराखंड सरकार की महिला मंत्री रेखा आर्य फफक फफक कर रोईं, अपनी घरेलू पीड़ा और सांसारिक जीवन का दर्द बताने के लिए ऐसी वीडियो जारी की जो आम महिला भी करने की हिम्मत नहीं करती।
मंत्री होते हुए भी ये सब करना पड़ा ! आखिर पति गिरधारी लाल साहू ने ऐसा क्या किया जो मंत्री के आँसू नहीं थम रहे हैं।
@rekhaaryaoffice @BJP4India @INCIndia @pushkardhami @PMOIndia @RahulGandhi— Ajit Singh Rathi (@AjitSinghRathi) October 15, 2026
भाजप नेत्याच्या सुनेची आत्महत्या; नवऱ्याचे अनैतिक संबंध अन् अंतर्वस्त्रातील चिठ्ठी…
राजकारणात खळबळ! अनैतिक संबंधाच्या संशयातून नगरसेविकेकडून अपहरण अन्…
बारामतीमध्ये नगरसेवकाविरुद्ध विनयभंगाचा गुन्हा; घरात प्रवेश केला अन्…
नरहरी झिरवळ यांचा तृतीयपंथीसोबतचा बेडवरील कथीत व्हिडिओ व्हायरल…
