नवी दिल्ली: कॉकरोच जनता पार्टी (सीजेपी) चे नेते अभिजीत दीपके, सौरभ दास आणि आशुतोष रांका यांच्या विरोधात भाजप प्रवक्ते गौरव भाटिया यांनी दिल्ली उच्च न्यायालयात मानहानीचा खटला दाखल केला आहे. भाटिया यांनी 2 कोटी रुपयांची नुकसान भरपाई, माफी आणि वादग्रस्त पोस्ट पुढे शेअर करण्यावर बंदी घालण्याची मागणीही केली आहे. सौरभ दास यांनी गौरव भाटिया यांच्या नावाने एक पोस्ट शेअर केली होती, ज्यात म्हटले होते की सीजेपी कार्यकर्ते निशू आझाद यांच्या वडिलांवर हल्ला केल्याचा आरोप असलेले स्वतंत्र भारद्वाज हे ‘दिमागी नक्षल’ आहेत. स्वतंत्र हे जातीयवादाने भरलेले असून त्यांचा भाजपशी कोणताही संबंध नाही.
भाटिया यांनी ती पोस्ट बनावट असल्याचे म्हटले आणि दास यांना 24 तासांच्या आत पोस्ट हटवण्याचा व बिनशर्त माफी मागण्याचा अल्टिमेटम दिला. दास यांनी नंतर ती पोस्ट हटवली आणि ती एआय (AI) वापरून तयार करण्यात आल्याचा दावा केला. पोस्ट हटवल्यानंतर, दास यांनी त्यांच्या एक्स (X) अकाउंटवर स्पष्टीकरण दिले की ते ग्राफिक एआयने तयार केले होते. मात्र, ते एआयने तयार केले होते या विधानाशी ते असहमत आहेत का, असे त्यांनी भाटिया यांना विचारले. दास यांनी भाजपवर निशाणा साधत म्हटले की, पक्षाचे मित्रपक्ष चिराग पासवान यांनीही स्वतंत्र भारद्वाज यांच्यापासून स्वतःला दूर केले आहे आणि एफआयआर दाखल केला आहे. या विषयावर भाजपमध्ये कोणीही का बोलत नाही आणि पक्ष अशा व्यक्तींना पाठिंबा देत आहे का, असा प्रश्न त्यांनी उपस्थित केला.
सीजेपीचे सह-संयोजक आशुतोष रांका यांच्यावर दास यांच्या अकाउंटवरून ग्राफिक पुन्हा पोस्ट करून वादग्रस्त पोस्टचा प्रचार केल्याचा आरोप आहे. रांका यांनी भाजप नेत्यांची खिल्ली उडवणारे कॅप्शनही लिहिले आहे.
दरम्यान, संबंधित प्रकरण दिल्लीतील जंतर मंतर येथे झालेल्या विद्यार्थी आंदोलनादरम्यान सीजेपी कार्यकर्ते निशू आझाद यांचे वडील संजय कुमार यांच्यावर झालेल्या हल्ल्याशी संबंधित आहे. सीजेपीच्या आंदोलनादरम्यान संजय कुमार यांची एका व्यक्तीसोबत झटापट झाली होती. सीजेपीचा आरोप आहे की, स्वतंत्र भारद्वाज आणि इतरांनी संजय कुमार यांच्यावर हल्ला केला. भारद्वाजने स्वतः आझाद यांच्या वडिलांची “कवटी फोडल्याचा” दावा केला होता, परंतु नंतर त्याने हे विधान नाकारले.
कॉकरोच जनता पार्टीचे प्रवक्ते आशुतोष रांकांना बेदम मारहाण…
CJP ! कॉकरोच जनता पार्टीची राष्ट्रीय कार्यकारिणी जाहीर, पाहा नावे…
Video: कॉकरोच जनता पार्टीचा गंभीर आरोप; दगडांनी भरलेला डम्पर अन्…
