नवी दिल्ली : देशातील सर्वसामान्य नागरिकांना महागाईचा आणखी एक मोठा फटका बसण्याची शक्यता आहे. घरगुती एलपीजी गॅस सिलेंडरच्या (LPG Cylinder) किमतीत नुकतीच वाढ झाली असतानाच, येणाऱ्या काळात गॅस आणखी महाग होणार असल्याचे संकेत केंद्र सरकारने दिले आहेत. केंद्रीय मंत्री प्रल्हाद जोशी यांनी या वाढत्या महागाईवर सरकारची बाजू स्पष्ट करताना, आगामी काळात पेट्रोल-डिझेलसह गॅस सिलेंडरचे दर आणखी वाढू शकतात, असे स्पष्ट केले आहे.
केंद्रीय मंत्री प्रल्हाद जोशी म्हणाले, “गॅस सिलेंडरच्या किमती वाढल्यामुळे आम्हालाही दुःख आणि खेद आहे. मात्र, यावर टीका करण्यापूर्वी लोकांनी जगातील सद्यस्थिती समजून घेतली पाहिजे. सध्या संपूर्ण जग गंभीर संकटाचा सामना करत आहे. जगभरात मालाची वाहतूक आणि पुरवठा साखळी पूर्णपणे विस्कळीत झाली आहे. एलपीजी गॅस आता अत्यंत मर्यादित ठिकाणांवरून उपलब्ध होत आहे. गॅसची मूळ किंमत वाढली आहे. शिवाय, माल एका ठिकाणाहून दुसऱ्या ठिकाणी पोहोचवण्यासाठी आता तब्बल 40 ते 45 दिवस लागत आहेत, ज्यामुळे वाहतुकीचा खर्च आणि विम्याचा खर्च कमालीचा वाढला आहे. आम्ही सर्वसामान्य जनतेच्या अडचणींबाबत तितकेच चिंतित आहोत, परंतु सध्याच्या आंतरराष्ट्रीय परिस्थितीमध्ये गॅसच्या किमती वाढवणे हा सरकारचा नाईलाज झाला आहे.’
Discount Price : 150 + Postage Charges
WhatsApp : 93712 69949
अजित पवार यांच्या आठवणींवर ‘महाराष्ट्राचे दादा’ पुस्तक तयार!
घरगुती एलपीजी गॅस सिलेंडरच्या किंमतीत 7 जून रोजी प्रति सिलेंडर 29 रुपयांची वाढ करण्यात आली आहे. या ताज्या दरवाढीनंतर आता मुंबईमध्ये 14.2 किलोच्या घरगुती गॅस सिलेंडरची किंमत 942 रुपयांवर पोहोचली आहे. यापूर्वी कमर्शियल गॅस सिलेंडरच्या दरांमध्येही मोठी वाढ नोंदवली गेली होती. यामुळे हॉटेल व्यावसायिक, केटरर्स आणि खाद्यपदार्थांशी निगडित व्यवसाय करणाऱ्या व्यापाऱ्यांमध्ये आधीच प्रचंड चिंतेचे आणि तणावाचे वातावरण आहे. आता घरगुती गॅस सिलेंडरचे दर पुन्हा वाढणार असल्याने गृहिणींचे बजेट पूर्णपणे कोलमडणार असल्याचे चित्र आहे.
घरगुती एलपीजी गॅस सिलेंडरच्या दरात मोठी वाढ…
पेट्रोल, डिझेलच्या दरात वाढ झाल्यानंतर केंद्र सरकारचा सर्वात मोठा निर्णय; नियम बदलणार…
CNG दरात 15 दिवसांत दुसऱ्यांदा दरवाढ; पीएनजीचे दरही वाढले…
महागाईचा झटका! CNG च्या दरात मोठी वाढ, पाहा नवे दर…
महागाईचा भडका! व्यावसायिकसह घरगुती सिलेंडरच्या किंमतीमध्ये झाली मोठी वाढ…
