नवी दिल्ली: उत्तराखंडचे माजी मुख्यमंत्री आणि काँग्रेसचे ज्येष्ठ नेते हरीश रावत, यांनी काँग्रेसच्या सर्व पदांचा राजीनामा दिल्यानंतर गंभीर प्रश्न उपस्थित केले आहेत. आपल्याच नेत्यांनी व्यक्त केलेल्या विधानांबाबत राहुल गांधी मौन का? नेहमी विद्यार्थ्यांच्या प्रश्नांवर विधाने करणाऱ्या राहुल गांधी यांनी त्यांचे भवितव्य धोक्यात आणणाऱ्यांवर ते कारवाई का करत नाहीत, असा प्रश्न भारतीय जनता पक्षाच्या खासदार बांसुरी स्वराज यांनी राहुल गांधींना विचारला.
बांसुरी स्वराज म्हणाल्या, की काँग्रेस पक्षाचे तथाकथित ‘मोहब्बत की दुकान’ म्हणजे निव्वळ भ्रष्टाचार आहे. एकीकडे राहुल गांधी विद्यार्थ्यांबद्दल बोलतात, तर दुसरीकडे त्यांच्याच पक्षाचे सदस्य तरुणांच्या भविष्याशी खेळत आहेत.
त्या म्हणाल्या की, अंमलबजावणी संचालनालयाने (ईडी) उत्तराखंडचे माजी मुख्यमंत्री हरीश रावत यांच्या स्वीय सचिवांच्या निवासस्थानावर छापा घालून अनेक वस्तू जप्त केल्या आहेत. त्यामुळे काँग्रेस सरकारच्या भरती प्रणालीवर गंभीर प्रश्न निर्माण होतात. ईडीने एका घोटाळ्याप्रकरणी छत्तीसगडचे माजी मुख्यमंत्री भूपेश बघेल यांच्या तत्कालीन सचिवालाही अटक केली होती.
नुकतेच, अंमलबारी संचालनालयाने उत्तराखंड अधीनस्थ सेवा निवड आयोग परीक्षा घोटाळ्याप्रकरणी, माजी मुख्यमंत्री हरीश रावत यांचे वैयक्तिक सहाय्यक (पीए) चंदन सिंग जिना यांच्या घरावर छापा टाकला. या छाप्यात ईडीने ३२ लाख रुपये रोख, १२ महागडी घड्याळे आणि २०० ग्रॅमहून अधिक सोने जप्त केले. यानंतर, जिना आणि त्यांच्या कुटुंबीयांची ५२ लाख रुपये शिल्लक असलेली खाती गोठवण्यात आली आहेत.
