पाटणा (बिहार): नेत्यांच्या रूममध्ये गेल्याशिवाय 90 टक्के महिला राजकारण करूच शकत नाहीत, असे अत्यंत वादग्रस्त विधान खासदार पप्पू यादव यांनी केले आहे.
मी संसदेत म्हणालो होतो की 75 टक्के नेते अश्लील व्हिडिओ पाहतात, सर्वांचे मोबाईल तपासून पाहा, मोबाईलमधून काहीही डिलीट होत नाही. नेत्यांचे दररोजचे सीसीटीव्ही फुटेज पाहिल्यास, महिलांचे लचके तोडण्याचीच संस्कृती बनली आहे. लोकसभा आणि विधानसभेत महिलांकडे गिधाडाच्या नजरेने पाहिले जाते. भारतात महिलांना देवी बनवले असले तरी त्यांचा कधीच आदर झाला नाही, शाळा, कॉलेज (रॅगिंगच्या नावाखाली), आणि ऑफिसमध्ये महिलांचे कायम शोषण होते, असेही पप्पू यादव म्हणाले.
Discount Price : 150 + Postage Charges
WhatsApp : 93712 69949
अजित पवार यांच्या आठवणींवर ‘महाराष्ट्राचे दादा’ पुस्तक तयार!
‘2014 आणि 2019 मध्ये तुमच्याकडे दोन तृतीयांश बहुमत असताना तुम्ही महिला आरक्षण विधेयक का मंजूर केले नाही? तुम्हाला महिलांना सन्मान द्यायचा नव्हता. सर्व महिलांना आणा, जनरल वर्गातील गरीब महिलांना, तसेच दलित, ईबीसी (EBC), ओबीसी (OBC) आणि आदिवासी महिलांनाही संधी द्या. 50-50 टक्के आरक्षण करा, आम्ही तयार आहोत, असेही पप्पू यादव म्हणाले.
देशात ईबीसी (EBC) किंवा दलित समाजातील एकही व्यक्ती उद्योगपती नाही. सुप्रीम कोर्ट, सैन्य, पोलीस, वृत्तवाहिन्यांचे मालक, विद्यापीठांचे कुलगुरू आणि कोणत्याही मठाच्या किंवा मंदिराच्या ट्रस्टमध्ये या मागास समाजाचे प्रतिनिधी नाहीत. जे लोक बाबासाहेब आंबेडकरांच्या संविधानाचा सन्मान करत नाहीत, त्यांना इतिहास कधीही माफ करणार नाही आणि त्यांचा इतिहास पुसला जाईल. नेता, बाबा, अधिकारी आणि भांडवलदार हे सर्वजण या सिस्टीममधील सर्व कुकर्मांचे मूळ आहेत. कायदेशीररीत्या जातीनिहाय जनगणना करा, जातीनिहाय जनगणना करायला तुम्हाला काय अडचण आहे? तुम्ही मागासवर्गीय, दलित आणि आदिवासींची गावे/सीट संपवण्यासाठी आणि अल्पसंख्याकांचे प्रतिनिधित्व कमी करण्यासाठी परिसीमन केले. 89 टक्के गरीब दलित तुमच्यावर का विश्वास ठेवतील? तुम्ही त्यांचे आरक्षण हिरावून घेतले आहे आणि एससी/एसटी (SC/ST) विधेयकावर राजकारण केले आहे, असेही पप्पू यादव म्हणाले.
