नवी दिल्लीः भारतीय नागरिकांना परदेशात नोकरीच्या संधी शोधताना सावधगिरी बाळगण्याचा व कोणत्याही अनोळखी व्यक्तीकडून मिळणाऱ्या नोकरीच्या आमिषाला बळी न पडण्याचा सल्ला दिला आहे. भारतीय नागरिकांची रशियाच्या सैन्यात भरती होत असल्याच्या तक्रारी वाढत आहेत. रशियाला जाणाऱ्या प्रवाशांसाठी परराष्ट्र मंत्रालयाने सूचना जारी केली आहे.
मंत्रालयाने म्हटले आहे की, गेल्या दोन वर्षांत सरकारने या कामाशी संबंधित धोके आणि संकटे वारंवार अधोरेखित केली आहेत. भारतीय नागरिकांना परदेशात नोकरीच्या संधी शोधताना सावधगिरी बाळगण्याचा व कोणत्याही अनोळखी व्यक्तीकडून मिळणाऱ्या नोकरीच्या आमिषाला बळी न पडण्याचा सल्ला दिला आहे.
परराष्ट्र मंत्रालयाने, पैशाच्या आशेने स्वतःहून रशियन सैन्यात सामील होण्याच्या संधी शोधणाऱ्यांनाही इशारा दिला आहे. काही प्रकरणांमध्ये, व्यक्तींना अशी आशा होती की सैन्यात सामील झाल्यानंतर, ते आपल्या सुटकेसाठी भारत सरकारशी संपर्क साधू शकतील. परराष्ट्र मंत्रालयाने स्पष्टपणे सांगितले आहे की हा एक अत्यंत धोकादायक मार्ग आहे आणि सरकार याचा तीव्रतेने निषेध करते.
काही भारतीय नागरिकांनी रशियन पासपोर्ट मिळवून त्यानंतर रशियाच्या सैन्यात सामील होण्याचा प्रयत्न केल्याची प्रकरणेही मंत्रालयाने नोंदवली आहेत. काहींनी तात्पुरत्या आर्थिक फायद्याच्या आशेने भारतीय अधिकाऱ्यांशी सल्लामसलत न करता अशी पावले उचलली. परराष्ट्र मंत्रालयाने भारतीय नागरिकांना अशा निर्णयांशी निगडित गंभीर आणि संभाव्य जीवघेण्या धोक्यांची जाणीव ठेवून अशा कृतींपासून दूर राहण्याचे आवाहन केले आहे.
परराष्ट्र मंत्रालयाच्या माहितीनुसार, रशियन सैन्यात परदेशी नागरिकांची भरती करण्यासाठी काही स्वयंसेवी संस्था आणि स्वयंसेवक गटांशीही संपर्क साधण्यात आला आहे. त्यामुळे, मंत्रालयाने भारतीयांना रशियामधील कोणत्याही नोकरीच्या संधींची सखोल चौकशी करण्याचे आवाहन केले आहे. परराष्ट्र मंत्रालयाकडे नोंदणी नसलेल्या एजंटांपासून विशेषतः सावध राहावे,
