नवी दिल्ली: मुख्य निवडणूक आयुक्त (सीईसी) ज्ञानेश कुमार आणि मोदी सरकारविरोधात बुधवारी झालेल्या विरोधी पक्षांच्या इंडी अलायन्सच्या बैठकीत, एकूण १९ विरोधी पक्षांनी भाग घेतला होता. त्यानंतर झालेल्या पत्रकार परिषदेत मित्रपक्षांमध्ये एकतेची चर्चा झाली असली तरी, वस्तुस्थिती अशी आहे की बैठकीदरम्यान किमान पाच असे मुद्दे उपस्थित झाले, ज्यावर मित्रपक्षांमध्ये मोठे मतभेद होते.
मुख्य निवडणूक आयुक्त ज्ञानेश कुमार यांना असलेला विरोध, एसआयआर प्रक्रियेतील अनियमितता, निवडणुकीतील कथित गैरप्रकार आणि मोदी सरकारकडून निवडणूक आयोगाचा ‘कठपुतळी’ म्हणून वापर, याविरोधात एकता दर्शवण्यासाठीच बुधवारची बैठक बोलावण्यात आली होती. तथापि, एका अहवालाच्या विश्लेषणातून असे दिसून येते की, पाच मुद्द्यांवर त्यांच्यात गंभीर मतभेद आहेत.
मिळालेल्या माहितीनुसार, सीपीआयचे पी. संदोश कुमार म्हणाले की, मुख्य निवडणूक आयुक्त ज्ञानेश कुमार यांना पदावरून हटवण्यासाठी संसदेत आणखी एक प्रस्ताव (महाभियोग) आणला पाहिजे आणि यासाठी इंडी अलायन्सचा बाहेरील काही विरोधी पक्षांचे सहकार्यही घेतले पाहिजे. राज्यसभेतील खासदार कपिल सिब्बल आणि काँग्रेस नेते के. सी. वेणुगोपाल यांनी असे ‘प्रयोग अयशस्वी झाले आहेत’, असे सांगून त्यांचा प्रस्ताव फेटाळला.
बैठकीच्या एक दिवस आधी, म्हणजेच मंगळवारी, या मुद्द्यांवर काँग्रेस कार्यकारिणी समितीची बैठक झाली. एसआयआर रद्द करणे आणि मुख्य कार्यकारिणी आयुक्त, तसेच पंतप्रधान नरेंद्र मोदी आणि गृहमंत्री अमित शाह यांचा राजीनामा, या काँग्रेसच्या मागण्यांचा जाहीर केलेल्या कृती आराखड्यात समावेश करण्यात आला नाही. या काँग्रेसच्या प्रमुख मागण्यांपैकी होत्या.
काँग्रेस कार्यकारिणी समितीच्या बैठकीत पक्षाचे राष्ट्रीय अध्यक्ष मल्लिकार्जुन खर्गे यांनी ईव्हीएमऐवजी मतपत्रिकांद्वारे निवडणुका घेण्याचा मुद्दा पुन्हा उपस्थित केला. मात्र, जाहीर केलेल्या कृती आराखड्यातून हा मुद्दाही वगळण्यात आला आहे.
मुख्य निवडणूक आयुक्त ज्ञानेश कुमार यांना पदावरून हटवण्याच्या मोहिमेत केवळ अन्य विरोधी पक्षांकडूनच नव्हे, तर स्वयंसेवी संस्था आणि युवा संघटनांकडूनही पाठिंबा घेण्याच्या बाजूने अनेक मित्रपक्ष होते. उद्धव ठाकरे यांच्या शिवसेना-यूबीटी आणि राष्ट्रवादी काँग्रेस, समाजवादी पार्टी यांनी मुख्य निवडणूक आयुक्त (सीईसी) हटवण्यासाठी सरन्यायाधीशांना पाठिंबा देण्यास तयार असल्याचे उघडपणे म्हटले आहे. पण, आंदोलनात कॉक्रोच जनता पक्षाला सोबत घेण्याचा मुद्दा समोर येताच काँग्रेस नेत्यांनी मौन पाळले.
शिवसेना-यूबीटी आणि राष्ट्रवादी काँग्रेस-शरद पवार यांनी मुंबईतील कॉक्रोच जनता पक्षाच्या आंदोलनाला पाठिंबा जाहीर केला असताना, अनेक मित्रपक्षांनी या ‘स्वार्थी’ भूमिकेवर आक्षेप घेतला आहे. या पक्षांचे म्हणणे आहे की, केवळ परस्पर समन्वयानेच या मोहिमेला यश मिळू शकते.
