बारामती : राष्ट्रवादीचे अध्यक्ष तथा ज्येष्ठ नेते शरद पवार यांची प्रकृती खालावली असून, त्यांचे निवासस्थान असलेल्या गोविंद बागेतून ते पुणे शहराच्या दिशेने निघाले आहेत.
शरद पवार यांची प्रकृती गेल्या काही दिवसांपासून बरी नाही. दोन ते तीन महिन्यांपासून अनेक सार्वजनिक कार्यक्रमही त्यांनी टाळले. परंतु अजित पवार यांच्या अपघाती निधनानंतर त्यांनी पुन्हा जनतेच्या भेटीगाठी घ्यायला सुरुवात केली होती. गेल्या आठवड्यातील तीन दिवस ते अजित पवार यांचे निवासस्थान असलेले सहयोग सोसायटीमध्ये होते. अजित पवार यांच्या निधनानंतर प्रचंड दगदग झाल्याने तब्येतीवर परिणाम झाल्याची प्राथमिक माहिती आहे.
शरद पवार यांना काहीसे अस्वस्थ वाटू लागल्याने सोमवारी दुपारी त्यांच्या ताफा कार्डियाक अॅम्ब्युलन्ससह पुण्याच्या दिशेने रवाना झाला. तेथील खासगी रुग्णालयात त्यांच्यावर उपचार करण्यात येतील, अशी प्राथमिक माहिती कळते आहे.
Price : 350/-
WhatsApp : 93712 69949
राजकीय क्षेत्रात असाल तर बनवा स्वतःचे पुस्तक!
शरद पवार यांना खोकला आणि कफ आहे. त्यामुळे त्यांना श्वास घेण्यास त्रास होत आहे. शरद पवार मास्क लावून वेगळ्या गाडीने पुण्याकडे रवाना झाले आहेत. त्यांच्या कन्या सुप्रिया सुळे देखील आहेत. शरद पवारांच्या वैद्यकीय तपासणीसाठी डॉक्टरांचे पथक सकाळपासूनच गोविंदबागेत दाखल झाले होते. सुमारे तासभर तपासणी केल्यानंतर त्यांना पुण्याला उपचारासाठी जाण्याच्या सूचना डॉक्टरांनी दिल्या आहेत.
दरम्यान, अजित पवार यांच्या अपघाती निधनानंतर पवार कुटुंबाचे सांत्वन करण्यासाठी राज्यभरातून नेते पदाधिकारी बारामतीला येत आहेत. सहयोगला जाऊन दादांच्या कुटुंबातील सदस्यांची भेट घेऊन संबंधित सगळेच जण गोविंदबागेत शरद पवार यांची भेट घेण्याकरिता जात आहेत. जवळपास आठ दिवस हा दिनक्रम सुरू असल्याने शरद पवार यांना प्रचंड थकवा आल्याचे सांगण्यात येते.
शरद पवार म्हणाले, माझं नाव घ्यायचा काय संबंध…
Video: पाणावलेले डोळे, आवंढा गिळत शरद पवार पुतण्याबद्दल म्हणाले, अजित…
